|
| ~一年零三個月~ 黎左屯門已經差不多一年零三個月~ 當中有好多好開心o既時刻, 亦有好失望o既時候~ 好多謝過往一年多, 錫我教我照住我o既外科骨科整形/整容外科Senior, 護士, 姐姐, 同事! 由第一日番工我已經知道生活不易! 一個人巡間五十幾個病人爆滿的病房... 我用左整整一日時間~ o係屯門我見到好多最危急o既病人, 有打勝仗, 但係亦有打敗仗... 有好醒目診斷到D大鑊野, 亦有好笨過左一個星期先診斷到D大鑊野... 原來醫生最唔想o既係miss野... 記得有個三十幾歲病人開頭肚痾, 食左私家醫生D藥, 之後幾星期便秘... 條腸越黎越脹, 我原以為係藥物導致腸塞, 後來佢自行離院照左個電腦掃描先知原來係Ulcerative colitis (潰煬性大腸炎) o既Toxic megacolon... 又有次Houseman同我講, 我半夜收o既一個腸塞病人原來都患有胰臟炎, 我矇矇鬆鬆諗住合番埋眼之際突然間醒起o個個病人做過Bilroth II 切胃手術, 就諗起以前阿姐李醫生教o既野, 半夜五點嘈醒Radiologist做CT, 結果幸運地俾我診斷到Afferent loop syndrome... 好多謝骨科同事, Dr PT Chan o係我睇X光片睇漏野o既時候仲放過我, 大大小小procedure都supervise我. 長毛梁醫生係我骨科最崇拜o既醫生, 一把長長的秀髮! 對小朋友o既愛心~ 仲有無啦啦爆出黎o既笑話, 總會令我好失儀咁o係共眾場合笑左出黎... 沙爺馬爺教我o既書本知識, Steven 教我做第一個AMA, Kelvin Tam教我做第一個DHS, 江少教我補Achilis Tendon Rupture, Dr Wun教我做Forearm fracture~ 當然仲有Team head 黃醫生同老闆周醫生o既教導~ 同埋Vincent, Eleanor一齊並肩作戰~ 多謝你地~ 努力~ 這是一個很好的Department~ 最近三個月有機會俾我窺探到整形外科o既秘密~ 由小耳朵(Microtia)變大耳朵, 大耳牛Dull風耳(Bat ear)變小耳朵! 窿胸後o既拆彈手術! 當然仲有乳房切除之後同埋下顎骨切除之後o既整形手術~ 同埋最近警員被襲, 英勇o既蔡醫生極速將危殆警員救番! 被傳媒追妨以及被唐英年答謝o既一幕! 每一樣都好新穎~ 好新奇~ 好犀利!!! 而成Team 人講野都好無厘頭... Haha... 手術枱上每次都o係度互寸, 扮鬼扮馬... 連何醫生都講埋一份! 由老細到Higher trainee, 每一個都好醒好勁~ 真係好犀利... 不過硬係唔知點解佢地好似對耳鼻喉o既人有少少誤解... haha~ 仲有一個多星期我就會離開呢個大家庭~ 多謝你地對我一路以來o既照顧~ 有飯食, 有酒劈一定要預埋我~ 如果我第時結婚請飲我都一定會炸埋你地! | | |
| ~太陽油之謎~ 有幸能夠去整形外科學野, 當然要學番一招半式, 減慢皮膚老化! 就o係上星期做緊手術期間, 整形外科o既大師傅何醫生無LA LA有感而發: "前排曬一曬, 手背即刻多左D 皺紋, skin quality老左幾年! 真係要搽番D太陽油" 我原本中緊眼訓都即刻蘇醒過黎! 急忙問下佢點樣防止老化! 何醫生即刻過兩招俾我~ "一定要搽太陽油~ 每兩個鐘頭就要搽一次~ 仲要搽得夠厚!" "何醫生! 咁即係要幾厚?" 何醫生就答"搽到好似個藝妓咁就o岩喇!" 我隨即幻想起藝妓o既打扮, 爆笑左出黎... wakakakaka... (心諗何醫生係咪o係度整蠱我??!!!) 
我仲以為何醫生吹水! 點知佢一臉認真! 仲話"搽左大概半個鐘先好搵毛巾抹! 抹走多餘o既太陽油! 過左兩個鐘頭, 又要再搽到好似個藝妓咁! 咁先叫有效!!!" "咁咪全日淨係o係度搽太陽油抹太陽油???" 我問... "就係咁先至有效!" 專家何醫生答道 何醫生繼續問書. "知唔知30度太陽油點解?" 我就答佢度數等如時間, 度數越大即刻work o既時間越長! 何醫生隨即話唔係! 原來度數係一個分數o既分母~ 30度係指太陽油能夠抵擋29/30 o既UV, 只有1/30 o既UV會直接形響皮膚!!! 以為我去沙灘化身成藝妓, 你地千祈唔好笑! kaka~ | | |
| ~骨頭人~ 咁就做左三個月骨科喇~ 只係番工第二個星期, 陳PT醫生走埋黎同我講, "聽日有個手術俾你做Surgeon!" 我即刻好驚訝~ "我黎左一個星期咋bor! 乜都唔識做!!!" 陳醫生就同我講"你番得黎骨科就預左你要做手術架喇! 學學下就識~" 等我滿心歡喜一早走入手術室... 點知發現臨做手術之際, 阿婆嘔血!!! 無得做手術... 我o既senior Tam Kel走黎安慰我, "係咁架喇~ 你越想做, 個天就硬係唔俾你做!!!" 第三星期, call list編左我去做OT call~ 即係o個日o既手術會有個senior帶住我做~ 搞到我鬼死咁緊張!!! 專登問人借左梁國穗教授本書番屋企煲! o個晚仲發惡夢夢見我唔知醒起身番工! 結果一朝早就起左身番工~~~ 誰不知... o個日日頭一個骨科手術都無... 天意是這麼弄人... 直至到有一日~ o係手術室~ Steven突然間走入黎問我, "下一個case你想唔想試下做???" "梗係想!!" o係Steven o既指導底下, 終於開始左我第一個AMA!!! 原來係非常覆雜~ 血肉模糊... 明明平時睇人做好似好簡單... 感覺就好似第一次學渣車咁! 猛咁死火激死教車師傅!!! kaka~ 好不容易出哂汗之後終於完成左第一個髖關節手術~ 過多幾個禮拜, 跟Tam Kel做DHS! 佢無啦啦拎左把刀俾我, "係你做架喇!!! 呢度落刀!" "死仔! 過左龍呀!!! 邊個叫你咁心急!!!" 原來我一刀砍落去過左龍!!! "條釘唔係向o個邊, 係向呢邊呀!!!" 方向都錯埋!!! "唔係電呢度!!! 係電o個度呀!!!" 又錯左!!! 幾經辛苦~~~ 終於做完!!! 原來做手術係咁覆雜!!! o係Ortho除左工作愉快之外, 工餘時候我仲識到一班波友~ 可惜工作實在太忙, 唯有買隻NBA 2K11 一齊o係PS3 切磋下球技! 由最初一齊被電腦大炒, 至到而家大炒電腦~ 當中下了不少苦功~ kekeke~ o係呢個department工作真的很愉快~ 多謝你們的照顧~ | | |
| ~Fantastic 4~
咁就做左半年MO (駐院醫生)! 諗番起剛剛由實習醫生轉做正式醫生o既時候, 好唔慣! 最唔慣o既係自己個call 機全日都唔響! 個心law law luen猛咁望個call機, 確保唔係壞左! 因為慣左做houseman o既時候個call機不停係咁響! 亦都好唔慣D護士突然間對我恭恭敬敬! hehe~ 以前俾人呼呼喝喝慣!
更估唔到以前淨係每年拜山先會經過幾次o既屯門公路而家變左每日出入o既必經路!
o係屯門o既工作係變態o既~ 我第一日七月一日番工被委派去巡C4, 我七點番到去, 發現病房收爆左! 連埋帆布床, 我一個人要巡五十張床... 仲要我一番工, 姑娘就同我講有人arrest左要搶救! 結果我第一日巡房, 巡到下午五點先完結! 有個姑娘仲問我"寫完essay未? 洗乜每個patient寫篇essay!"
o係屯門最訓練到o既係efficiency! 經歷左幾個月之後, 我終於可以o係公眾假期十二點半巡完C4!
第二樣訓練到o既係生死時速... 以前讀書學types of shock, 點樣醫一個patient in shock! o係屯門可以有好多實踐o既機會, 好多體驗! 無論係Acute cholangitis (膽管炎) 又好, acute appendicitis (盲腸炎)又好, GIB (腸道出血) 又好~ 九十歲又好, 十幾歲又好! 都總要o係on call o既時候shock 一shock!!! 好多晚on call, 我都覺得好變態... 生死時速... 好唔想同事將病人交妥俾我之後就出事~ 每一次call 都搏救, 力撐, 死鍊! 幸好! 我樓下有生性o既houseman! 而佢地亦將同我call 咁難得咁可貴o既機會形容為不幸+唔好彩, 因為好似同我call親都會有病人要搶救... 我亦要藉呢個機會讚一讚自己~ 因為有ICU o既同事話見親係我o既筆跡, D management都一定係好Proper交足貨! 先搵ICU 求救! (但係我就成日要搵ICU求救...) keke~
雖然工作好辛苦~ 不過好慶幸自己o係Team 4~ 對上有好多好好o既senior! 有好好人o既AC 男哥~ 我記得o係我已經做左兩個幾月之後o既一個下午, 男哥仲走埋黎搭住我膊頭, 問我"點呀? 做得慣唔慣呀?" 果然係輔導主任! 都已經做左幾個月! 仲擔心我唔慣!!! 佢仲要為人非常風趣~ 佢講野o既口吻, 同我D老死Steven Yip, 阿光非常類似! 好低B好搞笑! 難怪男哥有次o係手術室都話我同佢o岩Channel! 總聽得明佢講o既無聊野! haha~ 仲有Cyrus, 由我Med 3開始教我書, 到Med 5同我地講搵工, 到做MO教我做OGD! 非常之咁有耐性咁教我地野~ 為Team 4帶來無限歡樂! 仲有謙虛o既Ling姐! 都明明好senior, 平日維持我地team 4 o既紀律! 但係就係唔俾我地叫佢Ling姐! 當我做左ON居野o既時候, 毫無保留咁加以訓斥! Team 4另一樣最開心o既事就係每朝早餐睇住阿Kurt同Wen姐火併, 互串互鬧! 仲有Ling姐之後加入戰團將阿Kurt擊敗! 每朝早都總會重覆一次! kaka~ 仲有Vincent o既上海爸爸上海媽媽! 倉鼠嘴! 都會成為我地每一日o既話題! 仲有黃爺! 幸好已經收火了! 對我有莫大o既包容! 只可惜仲未聽到佢講當年"曾經衝動過o既故事"就要離開Team 4~ hehe~
當然仲要多謝好幫得手, 對我好好o既姑娘阿sir, 姐姐~ 呢半年好變態, 但係好深刻, 學到好多野! 亦都好開心~
晶晶, 唔好意思, 除夕深夜送左支OGD俾你爆! 洪爺, 唔好意思, 你一月一號一番工, 就送左個PPU俾你做... 同你地call得最多, 俾左最多野你地做~ 當係道別o既禮物! keke~
TuenMunese~ 加油~~~ | | |
| ~謝謝~
前兩日睇門診, 老細無啦啦笑笑口走埋黎遞張紙俾我, "寫低你個名, 有patient話要去投訴你呀!" 之後就陰陰嘴笑! 只見紙上都寫左佢個名~ 我唯有跟住又寫... 寫完跟住老細去望下係邊個病人為咩事想投訴我...
一走到去!
"就係呢個喇!!! 就係呢個楊醫生救左我一命!!!" 之後病人老婆就笑咪咪咁多謝我, 又讚個手術做得好好!!!
嚇死... 睇黎唔係投訴我... 被老細整蠱... 我唯有連番同佢地講"唔洗客氣唔洗客氣!"
hehe~ 因為個手術其實唔係我做~ 我只係個二打六, 日日巡房, 日日負責摸住佢個肚o既醫生~ 唔知係咪因為呢位病人做完手術之後, 我同佢屋企人講解個手術經過~
"當時伯伯非常危急, 我地迫於無耐深夜同佢做手術! 發覺大腸有好多泡泡, D泡泡發炎穿左窿! 我地即刻將受影響o既部份切左, 將其餘部份搏番埋! 手術取得重大成功!!! 一個鐘就完成!!! 你地大可以放心!!!"
可能我講到好似親歷其境咁~ 佢以為我都有份做! 其實手術係老關做~ Anyway~ 都幾開心見到佢精神奕奕番黎覆診! 上個禮拜, 有另一個八十幾歲伯伯裇埋個髮先番黎覆診, 仲著埋西裝, 襯件粉紅色裇衫番黎!!! 呢個病人做完手術, 三個星期條腸都唔郁... 一飲少少水就嘔~ 每一日只係見到佢好辛苦o既樣, 直至到三個星期先有好轉!!! 見到佢覆診o個一刻真係好感動... 好似變左另一個人咁~ 完全睇唔出佢曾經大腸癌腸塞要做手術!
做左外科接近四個月, 真係幾辛苦, 尤其係mentally~ 一不留神, 病人情況可以急轉直下, 甚至無命... 呢個又病情惡化, o個個又話病情惡化... 都真係幾stressed! 仲要高峰期一個月九call, 一個月四個weekend call! 好變態...
o係門診見番自己o既病人, 就好似同自己打打氣咁~ 繼續努力~ 仲要多謝呢幾個月教我野o既senior!!! 仲有o係我houseman o既時候丙我o既senior~ 諗番轉頭, houseman o既時候學到o既野, 確實o係decision making方面幫左我唔少~ 多謝你地~~~ | | |
|
